Agincourt Carol

Deo gracias Anglia
Redde pro victoria

Owre kynge went forth to Normandy
With grace and myght of chyvalry;
Ther God for hym wrought mervelusly;
Wherfore Englonde may calle and cry,
'Deo gracias.'
Deo gracias Anglia
Redde pro victoria

2. He sette a sege, the sothe for to say,
To Harflu toune with ryal aray;
That toune he wan and made a fray
That Fraunce shal rywe tyl domesday;
Deo gracias.

3. Than went oure kynge with alle his oste
Throwe Fraunce, for alle the Freshe boste;
He spared no drede of lest ne most
Tyl he come to Agincourt coste;
Deo gracias.

4. Than, forsoth, that knyght comely,
In Agincourt feld he faught manly;
Thorw grace of Gode most myghty
He had bothe the felde and the victory;
Deo gracias.

5. There dukys and erlys, lorde and barone
Were take and slayne, and that wel sone,
And summe were ladde into Lundone
With joye and merthe and grete renone;
Deo gracias.

6. Now gracious God he save oure kynge,
His peple, and alle his welwyllynge;
Yef hym gode lyfe and gode endynge,
That we with merth mowe savely synge;
Deo gracias.


Return to Internet Renaissance Band